ಮುತ್ತಿನಂತ  ಮಾತು ಕೇಳಮ್ಮ | ಗುರುವಿಗೆ  ನೀ ಶರಣಾಗಮ್ಮ ||

ರತ್ನದ ನಿಧಿ ಒಳಗುಂಟಮ್ಮ | ಮುಚ್ಚಿಕೊಂಡಿವೆ ಏಳು ಪದರಮ್ಮ ||

ಕಾಶಿಗ್ಹೊದರದು ಇಲ್ಲಮ್ಮ | ಕಾಸು ಕೊಟ್ಟರದು ಸಿಗದಮ್ಮ |

ನಂಬಿಕೆ ಇಟ್ಟಿರ ಬೇಕಮ್ಮ | ಸಾಧಿಸಿ ರತ್ನವ ಪಡೆಯಮ್ಮ ||

ಗಂಗಾ ಯಮುನೆಯೊಳೀಜಮ್ಮ | ಸಂಗಮದೊಳು ನೀ ಮುಳುಗಮ್ಮ ||

ನಿಶ್ಚಲಳಾಗಿರು ತಂಗ್ಯಮ್ಮ | ಅಲೆಗಳ ಹೊಡೆತ ಬಹಳಮ್ಮ ||

ನೀಲಿಯ ಗುಡ್ಡಗಳೆರಡಮ್ಮ | ನಡು ಮಧ್ಯದಿ ದಶಮ ದ್ವಾರಮ್ಮ ||

ತೈಲವಿಲ್ಲದ ಜ್ಯೋತಿ ಕಾಣಮ್ಮ | ಶಾಖವಿಲ್ಲದ ಪ್ರಕಾಶಮ್ಮ |

ತಾರೆಗಳಿಲ್ಲದ ಗಗನಿತ್ತಮ್ಮ | ಮಿಂಚದೆ ಬರಸಿಡಿಲೆರಗಿತ್ತಮ್ಮ |

ಮೋಡವಿಲ್ಲದೆ ಮಳೆ ಸುರಿದಿತ್ತಮ್ಮ | ಭೂಮಿಯಿಲ್ಲದೆ ನೀರ್ ಹರಿದಿತ್ತಮ್ಮ ||

ಶಿವ ತಾ ಕಟ್ಟಿದ ಪುರವಮ್ಮ | ಇಟ್ಟನೊಂಬತ್ತು ಕದನಮ್ಮ ||

ಕಾಣದ ಕದವೊಂದಿತ್ತಮ್ಮ | ಮೆಟ್ಟಿಲಾರನತ್ತಿ ನೋಡಮ್ಮ ||

ಮಂಗವೊಂದು ಮೂರ್ಛೆ ಹೋಗಿತ್ತಮ್ಮ | ಸಂಗಡಿಗರ ಸದ್ದಡಗಿತ್ತಮ್ಮ ||

ದೇಹಕಧಿಕ ಪುರಧೀಶಮ್ಮ | ಗುರುವು ಕನ್ನೇಶನ ವಾಸಮ್ಮ ||